ඔබේ මුදල් ඉක්මනින්ම දෙගුණ කරන සරලම ගණිතය ලොව ධනවත්ම මිනිසුන් රහසින් භාවිතා කරන The Rule of 72 ක්රමය 💰📈
ඔබ කවදා හරි හිතලා තියෙනවද, ලෝකයේ ඉන්න සුපිරි ධනවතුන් තමන්ගේ සල්ලි නිකන්ම බැංකුවක දාලා තියන්නේ නැත්තේ ඇයි කියලා..? ඉලෝන් මස්ක්, වොරන් බෆට් වැනි මිනිස්සු තමන්ගේ වත්කම් වසරින් වසර බිලියන ගණනින් වැඩි කරගන්නේ කොහොමද..?
ගොඩක් දෙනෙක් හිතන්නේ මේකට මහා දරුණු ගණිත සමීකරණ ඕන කියලා… ඒත් ඇත්තම කතාව ඒක නෙවෙයි.. ඔවුන් පාවිච්චි කරන්නේ Rule of 72 කියලා හරිම සරල, ඒ වගේම හරිම බලගතු මැජික් එකක්.
අද අපි කතා කරමු, ඔබේ සාක්කුවේ තියෙන රුපියල් 1,000 වුණත්, ලක්ෂ 10 වුණත් දෙගුණ වෙන්න කොච්චර කාලයක් යයිද කියලා තත්පරයකින් ගණන් හදාගන්න විදිය ගැන.
🧐 මොකක්ද මේ Rule of 72 කියන්නේ…?
සරලවම කිව්වොත්, ඔබේ ආයෝජනයක් දෙගුණ වීමට ගතවන කාලය (ඒ කියන්නේ අවුරුදු ගණන) සෙවීමට භාවිතා කරන කෙටි ක්රමය තමයි මේක.
මේකේ ගණිතය හරිම ලෙහෙසියි:
72 යන අංකය, ඔබට ලැබෙන වාර්ෂික පොලී අනුපාතයෙන් (Interest Rate) බෙදන්න. ලැබෙන පිළිතුර තමයි ඔබේ මුදල දෙගුණ වීමට ගතවන කාලය.
මුදල දෙගුණ වීමට ගතවන කාලය = 72 / වාර්ෂික පොලී අනුපාතය
📖 පුංචි කතාවකින් මේක තේරුම් ගමු…
හිතන්න අමිල සහ කසුන් කියලා යාළුවෝ දෙන්නෙක් ඉන්නවා. දෙන්නා ගාවම රුපියල් ලක්ෂය බැගින් තියෙනවා.
අමිල: එයා එයාගේ ලක්ෂය සාමාන්ය ඉතුරුම් ගිණුමක දානවා. ඒකට ලැබෙන්නේ 6% ක වාර්ෂික පොලියක්.
අමිලගේ සල්ලි ලක්ෂ 2 වෙන්න කොච්චර කල් යයිද?
72 / 6 = 12
අමිලට අවුරුදු 12ක් බලන් ඉන්න වෙනවා තමන්ගේ ලක්ෂය ලක්ෂ දෙක කරගන්න..
කසුන්: කසුන් ටිකක් මොළේ පාවිච්චි කරනවා. එයා කොටස් වෙළඳපොළේ හෝ හොඳ ව්යාපාරික ආයෝජනයක මේ මුදල දානවා. එයාට 12% ක වාර්ෂික ලාභයක් ලැබෙනවා.
කසුන්ගේ සල්ලි ලක්ෂ 2 වෙන්න කොච්චර කල් යයිද?
72 / 12 = 6
කසුන්ට ගතවෙන්නේ අවුරුදු 6ක් විතරයි..!
දැක්කා නේද වෙනස? පොලී අනුපාතය දෙගුණ වුණාම, මුදල් දෙගුණ වෙන්න ගතවන කාලය අඩකින් අඩු වෙනවා. අමිල එක පාරක් මුදල් දෙගුණ කරගන්නකොට, ඒ කාලය ඇතුළත කසුන් තමන්ගේ මුදල් දෙපාරක් දෙගුණ කරගෙන (ලක්ෂය ලක්ෂ 2 ලක්ෂ 4 විදියට)
🧠 ඇයි ධනවතුන් මේකට ආදරේ කරන්නේ?
ලෝක ප්රකට විද්යාඥ ඇල්බට් අයින්ස්ටයින් වතාවක් කිව්වා, “Compound Interest (සංයුක්ත පොලිය) කියන්නේ ලෝකයේ අටවැනි පුදුමය” කියලා. Rule of 72 කියන්නේ අන්න ඒ පුදුමය අපේ වාසියට හරවාගන්න තියෙන මාලිමාව.
ධනවතුන් කවදාවත් තමන්ගේ මහන්සියෙන් විතරක් සල්ලි හොයන්නේ නැහැ. ඔවුන් කරන්නේ තමන්ගේ සල්ලි ලවා වැඩ ගැනීමයි. ඔවුන් ආයෝජනයක් තෝරාගන්න කොට මුලින්ම බලන්නේ මේකේ Rule of 72 එක කීයද කියලා.
📉 උද්ධමනය (Inflation) සහ Rule of 72
මේක තමයි මේ ලිපියේ වැදගත්ම කොටස. ගොඩක් අය හිතන්නේ සල්ලි ඉතිරි කළාම ධනවත් වෙන්න පුළුවන් කියලා. ඒත් “උද්ධමනය” කියන හොරා ඔබේ සල්ලිවල වටිනාකම හීන්සීරුවේ හූරගෙන කනවා.
ඔබේ රටේ උද්ධමනය 10% නම්, ඔබේ මුදලේ වටිනාකම අඩකින් අඩුවෙන්න ගතවෙන්නේ:
72 / 10 = 7.2 වසරයි.
ඒ කියන්නේ අද ඔබ ලක්ෂයකින් ගන්න බඩු ප්රමාණය, තව අවුරුදු 7කින් ගන්න ලක්ෂ දෙකක් ඕන වෙනවා කියන එකයි. ඒ නිසා ඔබ ආයෝජනය කරන තැනින් ලැබෙන ප්රතිලාභය, උද්ධමන අනුපාතයට වඩා වැඩි විය යුතුමයි. නැත්නම් ඔබ කරන්නේ සල්ලි ඉතිරි කිරීමක් නෙවෙයි, සල්ලි විනාශ කිරීමක්.
ඔබට මේක පාවිච්චි කරන්න පුළුවන් ක්රම 3ක් තියෙනවා..
1- ආයෝජනයක් තෝරාගැනීමට බැංකුවක ස්ථාවර තැන්පතුවක් දාන්න කලින් හෝ රත්තරන් ගන්න කලින් ගණන් හදලා බලන්න ඔබේ මුදල දෙගුණ වෙන්න ගතවන කාලය ඔබට සතුටුදායකද කියලා.
2- ණය උගුල්වලින් බේරීමට ඔබ ක්රෙඩිට් කාඩ් පත් (Credit Cards) භාවිතා කරනවා නම්, ඒවායේ පොලිය 30%ක් විතර වෙනවා. ඒ කියන්නේ 72 / 30 = 2.4. අවුරුදු දෙකහමාරකින් ඔබ ගත්ත ණය මුදල පොලියත් එක්ක දෙගුණ වෙනවා.. ඒ නිසා ණය ගන්න කලින් මේ ගණිතය මතක් කරගන්න…
3- විශ්රාම සැලසුම් සඳහා ඔබ වයස 25දී ලක්ෂ 10ක් ආයෝජනය කළොත්, 10%ක ප්රතිලාභයක් යටතේ සෑම අවුරුදු 7.2කට වරක්ම ඒ මුදල දෙගුණ වෙනවා. ඔබ වයස 60 වන විට ඒ මුදල කෝටි ගණනක් වී තිබේවි
ධනවත් වීම කියන්නේ වාසනාව නෙවෙයි, ඒක System එකක්.. Rule of 72 කියන්නේ ඒ පද්ධතියේ තියෙන සරලම මෙවලමයි.
මතක තබා ගන්න Time is Money යන පැරණි කියමනට පණ දෙන්නේ මේ ගණිතයයි. ඔබ අද කරන කුඩා ආයෝජනය, තව වසර කිහිපයකින් මහා වෘක්ෂයක් වන්නේ සංයුක්ත පොලියේ බලය නිසයි…
දැන්ම ගණන් හදලා බලන්න.. ඔබේ ඉතුරුම් දෙගුණ වෙන්න තව අවුරුදු කීයක් යයිද? ඒ කාලය අඩු කරගන්න ඔබ කරන අලුත් ආයෝජනය මොකක්ද?
Face Book උපුටා ගැනීමක්..
