සමාජ මාධ්ය ජාල භාවිතා කිරීමෙන් සහ දුරකථන ඇමතුම් ලබාදී වංචනික ලෙස ජාවාරම්කරුවන්ගේ ගිණුම් වෙත මුදල් බැර කරවා ගැනීම් සම්බන්ධයෙන් දිවයින පුරා විවිධ පොලිස් ස්ථාන වෙත පැමිණිලි ලැබී ඇති බව Sri Lanka Police පවසයි.
රැකියා අවස්ථා ලබාදෙන බවට, ත්යාග දිනුම් ඇදී ඇති බවට, අසත්ය චෝදනා මත නීතිය ක්රියාත්මක නොකර සිටින බවට පවසා බියගන්වා විවිධ බැංකු ගිණුම් වෙත වංචනික ලෙස මුදල් බැර කරවා ගැනීම් සිදුකරන බවටද පැමිණිලි වාර්තා වී ඇති බව සඳහන් වේ.
අවස්ථානුකූලව විවිධ උපක්රම භාවිතා කරමින් පුද්ගලයින් සතු ගිණුම් අංක, මුරපද (OTP), QR කේත ඇතුළු රහස්ය තොරතුරු ලබාගැනීම මගින්ද, අන්තර්ජාල සබැඳි (links) හා ස්කෑන් කේත ඔස්සේද මෙම වංචා සිදු කරන බව නිරීක්ෂණය වී ඇති බව පොලීසිය පවසයි.
එසේම, බැංකු සේවකයින් ලෙස පෙනී සිට දුරකථන ඇමතුම් ලබාදී ගිණුම් තොරතුරු ලබාගෙන, මත්ද්රව්ය ජාවාරම්කරුවන් විසින් මුදල් තැන්පත් කර ඇති බවට පවසා ගිණුම් හිමියන් බියගන්වා වංචාකරුවන් විසින් ලබාදෙන ගිණුම් වෙත මුදල් තැන්පත් කරවා ගැනීමේ සිද්ධීන් පිළිබඳව පසුගිය දිනවල Mirihana Special Crimes Investigation Unit වෙතත්, පොලිස් නිලධාරීන් ලෙස පෙනී සිට ගිණුම් විස්තර හා මුදල් ලබාගැනීමට උත්සාහ කිරීම සම්බන්ධයෙන් Padukka Police Station වෙතත් පැමිණිලි ලැබී ඇත.
මෙවැනි වංචනික ක්රියාකාරකම්වලට හසු නොවන්නැයි පොලීසිය මීට පෙරද මහජනතාව දැනුවත් කර ඇති අතර, එවැනි අවස්ථාවලදී පහත ආරක්ෂිත ක්රියාමාර්ග අනුගමනය කරන ලෙසද වැඩිදුරටත් උපදෙස් ලබාදෙයි.
- Verified badges / නිල (official) pages පරීක්ෂා කිරීම
- දෙවැනි පාර්ශවයකට බැංකු විස්තර, ජාතික හැඳුනුම්පත් අංක, login details, OTP, Password, PIN, ඡායාරූප ලබා නොදීම
- සැක සහිත links භාවිතයෙන් වළකින්න
- විශ්වාසනීය / Verified ගිණුම් පමණක් භාවිතා කිරීම
- මුදල් තැන්පත් කිරීමේදී අනන්යතාවය නිසි ලෙස සනාථ කර ගැනීම
- වංචා පිළිබඳව Criminal Investigation Department Cyber Crime Unit වෙත වහාම පැමිණිලි කිරීම
මෙවැනි වංචා සම්බන්ධයෙන් යම් තොරතුරක් තිබේ නම්, පහත දුරකථන අංක වෙත දැනුම් දෙන ලෙස පොලීසිය මහජනතාවගෙන් ඉල්ලා සිටියි.
- මිරිහාන විශේෂ අපරාධ විමර්ශන අංශය : 011-2852556
- ස්ථානාධිපති / මිරිහාන විශේෂ අපරාධ විමර්ශන අංශය : 075-3994214
- නියෝජ්ය අධ්යක්ෂ / පරිගණක අපරාධ විමර්ශන අංශය : 011-2300638
- පුද්ගලික සහකාර / පරිගණක අපරාධ විමර්ශන අංශය : 011-2381375
- ස්ථානාධිපති / පරිගණක අපරාධ විමර්ශන අංශය : 011-2381058
SOURCE: sinhala.adaderana.lk
