උදේ ඇහැරල මුලින්ම ඔබ කරන දේ මොකක්ද? කම්මැලිකමට වගේ ඇඳේ එහාට මෙහාට පෙරළිලා, කොට්ටය යට තියෙන ෆෝන් එක අතට අරන්, ඇස් දෙකත් පොඩි කර කර ෆේස්බුක් හරි ඉන්ස්ටග්රෑම් හරි යනවා නේද? එතනින් පටන් ගන්න ඒ Scroll කිරීමේ පිස්සුව, රෑ නින්දට යනකම්ම ඔබේ ජීවිතේ හෙවනැල්ල වගේ පස්සෙන් එනවා..
අපි හිතන්නේ අපි ෆෝන් එක පාලනය කරනවා කියලා… හැබැයි ඇත්තම කතාව නම්, ෆෝන් එක විසින් අපේ ජීවිතය, අපේ සතුට සහ අපේ අනාගතය පාලනය කරන එකයි…
අද අපි කතා කරමු, මේ ඇබ්බැහියෙන් මිදිලා ඔබේ මොළය නැවත Reset කරගන්නේ කොහොමද කියලා…
🧠 මොකක්ද මේ අපේ මොළයට වෙලා තියෙන්නේ?
ඔබේ මොළය හරියට රේස් එකක දුවන අශ්වයෙක් වගේ ඒත් ස්මාර්ට් ෆෝන් එක කරන්නේ ඒ අශ්වයට හැම තිස්සෙම චොකලට් දෙන එක. ෆේස්බුක් එකේ වැටෙන එක ලයික් එකක්, රීල්ස් එකක දකින තත්පර 15ක වීඩියෝ එකක් ඔබේ මොළයේ ඩොපමින් කියන රසායනය නිපදවනවා.
මේක හරියට මත්ද්රව්යයකට ඇබ්බැහි වෙනවා වගේ වැඩක් ටික කාලයක් යනකොට පොතක් කියවන එක, අලුත් දෙයක් ඉගෙන ගන්න එක වගේ වැදගත් දේවල් ඔබේ මොළයට නීරස වෙනවා මොකද ඒවායේ ඩොපමින් වැඩිය නැහැ අන්න එතනදී තමයි ඔබේ දියුණුව අඩාල වෙන්නේ.
🛠️ මොළය නැවත සකස් කරන සරල පියවර
ඔබේ ජීවිතය නැවත දිනාගන්න මේ පුංචි නමුත් බලවත් පියවර අනුගමනය කරලා බලන්න.
- දවසේ පළමු පැය ඔබට වෙන් කරගන්න
උදේ ඇහැරුණු ගමන් ෆෝන් එක අල්ලන්න එපා. ඒක හරියට දවස පටන් ගන්නකොටම ඔබේ මොළය කුණු ගොඩකට දානවා වගේ වැඩක්. අඩුම තරමේ ඇහැරිලා පළමු පැය එක හමාර ෆෝන් එකෙන් ඈත් වෙලා ඉන්න. ඒ වෙලාවේ හුස්ම ගන්න, වතුර වීදුරුවක් බොන්න, එළියට ගිහින් ගහකොළ දෙස බලන්න. ඔබේ දවස පාලනය කරන්න ඔබට බලය ලැබෙන්නේ එතකොටයි.
- Notifications තමයි ඔබේ අවධානය සොරකම් කරන හොරා
ඔබ වැඩක් කර කර ඉන්නකොට ෆෝන් එක ටිං ගාන සද්දෙට ඔබේ අවධානය බිඳෙනවා. ඒ අවධානය ආයෙත් ගන්න මොළයට විනාඩි 20ක් විතර යනවා. ඒ නිසා වැදගත් නොවන හැම App එකකම Notifications Off කරන්න. ඔබට ඕන වෙලාවට විතරක් App එක ඇතුළට ගිහින් බලන්න පුරුදු වෙන්න.
- Grey Scale ක්රමය (කළු-සුදු මායාව)
ඔබේ ෆෝන් එකේ සෙටින්ග්ස් වලට ගිහින් Screen එක Grayscale හෙවත් කළු-සුදු කරන්න. අපේ මොළය ඇදී යන්නේ ලස්සන පාට වලට. ෆෝන් එක කළු-සුදු වුණාම ඒක දකින එක මොළයට නීරස වෙනවා. එතකොට නිකරුණේ ෆෝන් එක දිහා බලාගෙන ඉන්න තියෙන ආසාව ඉබේම අඩු වෙනවා. - Phone-Free කලාප නිර්මාණය කරන්න
කෑම කන මේසය, නාන කාමරය සහ නිදන කාමරය ෆෝන් එකෙන් තොර කලාප බවට පත් කරගන්න. විශේෂයෙන්ම කෑම කනකොට ෆෝන් එක බලන එකෙන් වෙන්නේ ඔබ කන්නේ මොනවද කියලවත් මොළයට දැනෙන්නේ නැති එකයි. - Boredom හෙවත් පාලුවට ඉඩ දෙන්න
බස් එක එනකම් ඉන්නකොට, පෝලිමක ඉන්නකොට අපි කරන්නේ ඉක්මනට ෆෝන් එක අතට ගන්න එක. එපා.. ඒ පාලුවට ඉඩ දෙන්න. මොළය නිදහසේ තියෙනකොට තමයි අලුත් අදහස්, දියුණු වෙන්න ඕන ප්ලෑන්ස් ඔළුවට එන්නේ. නිකං ඉන්න එක ඔබේ මොළයට ලැබෙන විවේකයක් කියලා හිතන්න.
✨මතක තියාගන්න, ඔබ මිය යන දවසක අනේ මම තව දවස් කීයක් හරි ෆේස්බුක් රීල්ස් බැලුවා නම් හොඳයි කියලා හිතන්නේ නැහැ. ඔබ පසුතැවෙන්නේ මට මීට වඩා දෙයක් කරන්න තිබුණා, මට මීට වඩා ආදරය කරන්න තිබුණා කියලා.
ස්මාර්ට් ෆෝන් එක කියන්නේ දියුණු වෙන්න පාවිච්චි කරන්න පුළුවන් ලොකුම ආයුධයක්. ඒත් ඒ ආයුධය ඔබව කපන්න ඉඩ දෙන්න එපා. අදම ඔබේ මොළය Rewire කරන්න පටන් ගන්න.
ඔබේ ජීවිතයේ සැබෑ පාලකයා ඔබම වෙන්න
මේ ලිපිය කියවලා ඉවර වුණු ගමන් ෆෝන් එක පැත්තකින් තියලා, විනාඩි 5ක් ඇස් දෙක පියාගෙන හුස්ම ගන්න. වෙනස එතනින් පටන් ගමු! ❤️
මෙම ලිපිය ඔබට ප්රයෝජනවත් වුණා නම් තව කෙනෙකුට බලන්න Share කරන්න. ඔබේ අදහස පහළින් Comment කරන්නත් අමතක කරන්න එපා! 👇
