අමෙරිකාවට අපනයනය කරන භාණ්ඩ සඳහා පනවන ගෝලීය තීරුබදු ප්රතිශතය අද (24) සිට සියයට 10 දක්වා පහත දැමීමට ක්රියාත්මක විය.
මෙම වෙනස සිදු වූයේ, පසුගිය වසරේ ජනාධිපති ඩොනල්ඩ් ට්රම්ප් හඳුන්වාදුන් ගෝලීය අන්යෝන්ය තීරුබදු නීතිවිරෝධී බවට අමෙරිකානු ශ්රේෂ්ඨාධිකරණය තීන්දු කළ හේතුවෙනි.
පසුගිය අප්රේල් මාසයේ ජනාධිපති ට්රම්ප් ගෝලීය තීරුබදු හඳුන්වාදී ඇති අතර, ශ්රේෂ්ඨාධිකරණය එම ක්රියාව සිය බලතල ඉක්මවා සිදුකළ බව සලකා බැලීය. ඒ අනුව, අද සිට ක්රියාත්මක වන්නේ සියයට 10ක තීරුබද්දක් පමණි.
ජනාධිපතිවරයා, මෙම තීරුබද්ද සියයට 15 දක්වා ඉහළ නැංවිය හැකි බවත්, ගිවිසුම්වලට පැමිණීම මඟහැරෙන රටවල් සම්බන්ධ දැඩි තීන්දු ගැනීමේ හැකියාවක් ඇති බවත් අවධාරණය කළේය.
1974 වෙළෙඳ පනතේ 122 වගන්තිය යටතේ, කොංග්රස අනුමැතියකින් තොරව දින 150 කට බදු පැනවීමට ජනාධිපතිවරයාට ලබා ඇති බලතල භාවිතා කර මෙම තීරුබද්ද ක්රියාත්මක කර ඇත.
එමෙන්ම, ජනාධිපති ට්රම්ප් හෙට කොංග්රසයට කරන වාර්ෂික දේශනයේදී ශ්රේෂ්ඨාධිකරණ තීන්දුව සහ නව තීරුබදු පිළිබඳ වැඩිදුර විස්තර ලබාදීමට නියමිතය.
SOURCE:SINHALA.ADADERANA.LK
