සාම පා ගමනට සහ
‘ආලෝකා’ සුනඛයාට
බාධා කරන්න එපා
පොලීසියෙන් විශේෂ දැනුම්දීමක්..
සාම පා ගමනේ යෙදෙන භික්ෂූන් වහන්සේට සහ උන්වහන්සේ සමඟ ගමන් කරන ‘ආලෝකා’ සුනඛයාට බාධා වන අයුරින් කටයුතු නොකරන ලෙස මධ්යම පළාත් නියෝජ්ය පොලිස්පති සුදත් මාසිංහ මහතා මහජනතාවගෙන් සහ මාධ්යවේදීන්ගෙන් ඉල්ලීමක් කරයි. මහනුවර දිස්ත්රික් සම්බන්ධීකරණ කමිටු රැස්වීමේදී ඒ මහතා මේ බව අවධාරණය කළේය.
නියෝජ්ය පොලිස්පතිවරයා පෙන්වා දෙන්නේ යූ ටියුබ්කරුවන් ඇතුළු විශාල පිරිසක් භික්ෂූන් වහන්සේට සමීපව ගමන් කරමින් මාධ්ය හැසිරවීම හේතුවෙන් සංවිධායක මණ්ඩලය දැඩි අපහසුතාවට පත්ව ඇති බවයි. මෙම තත්ත්වය පාලනය කිරීම සඳහා මින් ඉදිරියට සංවිධායක මණ්ඩලයට හැර වෙනත් කිසිවෙකුට භික්ෂූන් වහන්සේ සමඟ සමීපව පා ගමනේ යෙදීමට අවසර නොදීමට තීරණය කර ඇත. ජනතාවගේ අධික බාධා කිරීම් හේතුවෙන් සැලසුම් කළ වේලාවට ගමන් කිරීමට නොහැකි වී ඇති අතර පසුගියදා නාවුල ප්රදේශයේදී නියමිත ස්ථානයට කිලෝමීටර් 8 ක් තිබියදීම දහවල් දානය පිළිගැන්වීමට සිදු විය. ජනතාවට මාර්ගය දෙපස සිට වැඳීමට හෝ මල් හා කෙසෙල් කොළ අැතුරීමට බාධාවක් නොමැති නමුත් ගමනට බාධා වන ලෙස හැසිරීමෙන් වළකින ලෙස පොලීසිය ඉල්ලා සිටී.
පා ගමනට එක්ව සිටින ‘ආලෝකා’ සුනඛයාට මේ වන විට සුළු අසනීප තත්ත්වයක් ඇති වී තිබේ. පොලිස් නිල සුනඛ අංශයේ කණ්ඩායමක් මේ වන විටත් සත්වයාට ප්රතිකාර කරමින් සිටින බව වාර්තා වේ. සමහරු ආලෝකා සුනඛයා සමඟ සෙල්ෆි ඡායාරූප ගැනීමට උත්සාහ කරන අතර මෙය සත්වයාගේ සෞඛ්යයට මෙන්ම පා ගමනේ අරමුණටත් බාධාවක් බව නියෝජ්ය පොලිස්පති සුදත් මාසිංහ මහතා පවසයි. මෙම සාම පා ගමනේ මූලික අරමුණ සාර්ථක කර ගැනීම සඳහා ජනතාවගේ විනයගරුක සහයෝගය අත්යවශ්ය බව බලධාරීන් වැඩිදුරටත් මතක් කර දෙයි.
පින්තූරය Facebook උපුටා ගැනීමකි.
www.slmediahub.com
