2026 අප්‍රේල් පළමුවැනිදායින් ආරම්භ වන 2026/27 මූල්‍ය වර්ෂය සඳහා වන ඉන්දීය මධ්‍යම රජයේ අයවැය අද (01) එරට මුදල් අමාත්‍ය නිර්මලා සීතාරාමන් මහත්මිය විසින් ඉදිරිපත් කරන ලදී.
මෙම නව අයවැය යෝජනා මගින් අසල්වැසි රටවල් සඳහා වන සහන සහ ආධාර යටතේ ශ්‍රී ලංකාව වෙනුවෙන් ඉන්දීය රුපියල් බිලියන 04ක මුදලක් වෙන් කර ඇති බව විදෙස් මාධ්‍ය වාර්තා කරයි.
ප්‍රධාන කරුණු:
- ආධාර මුදල: ඉන්දීය රුපියල් බිලියන 04 කි.
- පසුගිය වසරේ සැසඳීම: පසුගිය මූල්‍ය වර්ෂයේදී ශ්‍රී ලංකාව වෙනුවෙන් වෙන් කර තිබුණේ ඉන්දීය රුපියල් බිලියන 03කට ආසන්න මුදලකි.
- වැඩිවීම: පසුගිය වසරට සාපේක්ෂව මෙවර වෙන් කළ මුදල රුපියල් බිලියනයකින් පමණ ඉහළ නංවා තිබීම විශේෂත්වයකි.
දෙරට අතර පවතින ද්විපාර්ශ්වික සබඳතා තවදුරටත් ශක්තිමත් කිරීමේ අරමුණින් මෙම මූල්‍ය ප්‍රතිපාදන වෙන් කර ඇති බව වාර්තා වේ.
