කන්ගානාගේ ‘Emergency’ – ඉන්දිරා ගාන්ධිගේ මතභේදාත්මක යුගය සිනමාවට ගෙනා චිත්රපටය.
ඉන්දීය නිළිය, අධ්යක්ෂිකාව, නිෂ්පාදිකාව වන කන්ගානා රනවුත් විසින් නිර්මාණය කළ ‘Emergency’ චිත්රපටය, 1975 සිට 1977 දක්වා ඉන්දිරා ගාන්ධිගේ පාලන සමයේ ඉන්දියාවේ හදිසි නීතිය ක්රියාත්මක වූ මතභේදාත්මක කාලය අළලා නිර්මාණය වී ඇත.
චිත්රපටය ප්රකාශයට පත් කළ අවස්ථාවේ සිටම දේශපාලනික හා සමාජීය විරෝධතා රැසකට මුහුණ දුන් අතර, ඉන්දීය චිත්රපට සහතික කිරීමේ මණ්ඩලය (CBFC) සමඟද ගැටලු රැසක් ඇතිවිය. ප්රදර්ශනය කිහිප වතාවක් කල් දැමීමෙන් පසු, 2025 ජනවාරි 17 වැනිදා එය සිනමාහල් වෙත නිකුත් කෙරිණි.
චිත්රපටය සම්බන්ධයෙන් බංග්ලාදේශයේ ප්රදර්ශනය වාරණයට ලක් වූ අතර, සීක් ප්රජාව නිරූපණය කළ ආකාරය පිළිබඳව පන්ජාබ් ප්රදේශයෙන්ද විරෝධතා එල්ල විය. බොහෝ ඉන්දීය සිනමා විචාරකයන්ගේ අදහස වූයේ, මෙම නිර්මාණය ඉතිහාසය පක්ෂග්රාහී දේශපාලනික දෘෂ්ටිකෝණයකින් ඉදිරිපත් කරන බවයි.
කන්ගානා රනවුත්ම ඉන්දිරා ගාන්ධිගේ චරිතයට පණ පොවන අතර, අනුපම් කේර් ජයප්රකාශ් නාරායන් ලෙසත්, ෂ්රෙයාස් තල්පාඩේ අතල් බිහාරි වජ්පායි ලෙසත් රංගනයෙන් දායක වෙති.
චිත්රපටය නිකුත් කිරීමෙන් පසු කන්ගානා ප්රකාශ කළේ, මෙම නිර්මාණය සඳහා මුහුණ දුන් අභියෝග හේතුවෙන් තමන් යළි දේශපාලනික චිත්රපටයක් අධ්යක්ෂණය නොකරන බවයි. කොරෝනා වසංගතය, ස්වාභාවික ආපදා, සහතික කිරීමේ ප්රමාදයන් සහ දේශපාලනික විරෝධතා ඇතුළු බාධක රැසක් මධ්යයේ මෙම චිත්රපටය නිම කළ බවද ඇය සඳහන් කළාය.
කෙසේ වෙතත්, ‘Emergency’ අදත් ඉන්දියානු දේශපාලනය, ඉතිහාසය සහ සිනමාව අතර ඇති සම්බන්ධය පිළිබඳ විවාදයට ලක්වන මතභේදාත්මක චිත්රපටයක් ලෙස සැලකේ.
www.slmediahub.com
