රුමේෂ් තරංග ලෝක හෙල්ල විසිකිරීමේ ශ්රේණිගත කිරීම්වල තෙවැනි ස්ථානයට..
ශ්රී ලංකා මලල ක්රීඩා ඉතිහාසයේ තවත් සුවිශේෂී සන්ධිස්ථානයක් සනිටුහන් කරමින් ශ්රී ලංකාවේ ප්රමුඛ හෙල්ල විසිකිරීමේ ක්රීඩක රුමේෂ් තරංග ලෝක හෙල්ල විසිකිරීමේ ශ්රේණිගත කිරීම්වල තෙවැනි ස්ථානය දක්වා ඉදිරියට පැමිණ තිබේ.
ලෝක මලල ක්රීඩා සංගමය විසින් අද (10) ප්රකාශයට පත් කරන ලද නවතම ශ්රේණිගත කිරීම් අනුව රුමේෂ් තරංග ශ්රේණිගත ලකුණු 1,324ක් හිමිකරගෙන සිටින අතර, එය ශ්රී ලංකා මලල ක්රීඩා ක්ෂේත්රයට විශාල ගෞරවයක් ලෙස සැලකේ.
මෙම ලැයිස්තුවේ ප්රථම ස්ථානය ජර්මනියේ ජූලියන් වෙබර්ට හිමිව ඇති අතර ඔහු ලකුණු 1,360ක් ලබාගෙන සිටියි. දෙවැනි ස්ථානය ග්රෙනඩාවේ ඇන්ඩර්සන් පීටර්ස්ට හිමිව ඇති අතර ඔහුගේ ලකුණු සංඛ්යාව 1,326කි. රුමේෂ් තරංග සහ ඇන්ඩර්සන් පීටර්ස් අතර පවතින්නේ ලකුණු 2ක පමණ ඉතා සුළු පරතරයක් වීම ද විශේෂත්වයකි.
මෙම ශ්රේණිගත කිරීම්වලදී ලෝක ප්රකට ඔලිම්පික් පදක්කම්ලාභී ක්රීඩකයන් වන ඉන්දියාවේ නීරාජ් චොප්රා සහ පාකිස්තානයේ අර්ශාද් නදීම් අභිබවා යාමට ද රුමේෂ් තරංග සමත්ව තිබේ. නීරාජ් චොප්රා පස්වැනි ස්ථානයේ පසුවන අතර අර්ශාද් නදීම් දසවැනි ස්ථානයේ රැඳී සිටියි.
රුමේෂ් තරංගගේ මෙම ඉහළ යාමට ප්රධාන හේතුව වූයේ පසුගියදා ඉතාලියේ රෝම නුවර පැවති ප්රකට ඩයමන්ඩ් ලීග් මලල ක්රීඩා තරගාවලියේදී ඔහු දැක්වූ අතිවිශිෂ්ට දක්ෂතාවයයි. එහිදී මීටර් 92.62ක දුරක් හෙල්ල විසිකරමින් නව ශ්රී ලංකා වාර්තාවක් සහ නව තරගාවලි වාර්තාවක් පිහිටුවීමට ඔහු සමත් විය.
මෙම ජයග්රාහී ගමනත් සමඟ රුමේෂ් තරංග ජාත්යන්තර මලල ක්රීඩා පිටියේ ශ්රී ලංකාවේ නාමය තවදුරටත් ඉහළට ඔසවා තැබීමට සමත්ව ඇති අතර, ඉදිරි ජාත්යන්තර තරගාවලි සඳහා ද ශ්රී ලාංකික ක්රීඩා ලෝලීන්ගේ විශාල බලාපොරොත්තු දිනාගෙන සිටියි.
Source – Ada Derana
www.slmediahub.com
#RumeshTharanga
#SportsNews
#javelin
#JavelinFans
#slmediahub
