කිරින්ඳ මුහුදු තීරයේදී සිදුවූ අනතුරකින් සිසුවියකගේ ජීවිතය බේරා ගනිමින් තම ජීවිතය අහිමි කරගත් බඩල්කුඹුර, වෛකුඹුර 8 කනුව දමිළ විද්යාලයේ විදුහල්පතිවරයා පිළිබඳ පුවත මේ වනවිට සමාජයේ දැඩි සංවේගයට හේතුවී තිබේ.
පාසලේ සිසුන් පිරිසක් සමඟ විනෝද චාරිකාවකට එක්ව සිටියදී, කිරින්ඳ මුහුදු තීරයේ දිය නෑම අතරතුර සිසුවියක අනතුරට ලක්ව ඇති බව සඳහන් වේ. එම අවස්ථාවේදී ඇය බේරා ගැනීම සඳහා විදුහල්පතිවරයා කිසිදු පැකිළීමකින් තොරව මුහුදට පැන ඇති අතර, සිසුවියගේ ජීවිතය බේරා ගැනීමට සමත්ව තිබේ.
කෙසේ වෙතත්, එම වීර ක්රියාව අතරතුර විදුහල්පතිවරයා මුහුදේ ගිලී අවාසනාවන්ත ලෙස ජීවිතක්ෂයට පත්ව ඇති බව වාර්තා වේ.
තම සිසුන්ගේ ආරක්ෂාව වෙනුවෙන් සිය ජීවිතය පවා කැප කළ මෙම විදුහල්පතිවරයාගේ ක්රියාව සමාජයේ බොහෝ දෙනාගේ ගෞරවයට හා සංවේගයට පාත්ර වී තිබේ. සමාජ මාධ්ය ඔස්සේද ඔහු “සැබෑ ගුරු වීරයෙකු” ලෙස හැඳින්වමින් ශෝක පණිවිඩ රැසක් පළ කෙරෙමින් පවතී.
මෙරට ගුරු වෘත්තියේ මානුෂීය වටිනාකම් යළිත් සිහිපත් කරමින්, තම සිසුන්ගේ ජීවිත රැක ගැනීමට දිවි පූජා කළ මෙම විදුහල්පතිවරයාට ජාතියේ උත්තමාචාර හිමිවිය යුතු බව බොහෝ දෙනා පවසති.
www.SLMediaHub.com
