තමිල්නාඩුවේ නව මහ ඇමැතිවරයා ලෙස තලපති විජය අද දිවුරුම් දීමට සූදානම්..
දකුණු ඉන්දීය ජනප්රිය සිනමා තරුවක් වන තලපති විජය අද (10) තමිල්නාඩු ප්රාන්තයේ නව මහ ඇමැතිවරයා ලෙස දිවුරුම් දීමට නියමිත බව ඉන්දීය මාධ්ය වාර්තා කරයි.
චෙන්නායිහි ජවහර්ලාල් නේරු ඉන්ඩෝර් ක්රීඩාංගණයේදී මෙම දිවුරුම් දීමේ උත්සවය පැවැත්වීමට සැලසුම් කර ඇති අතර, දේශපාලන නායකයින්, සිනමා තරු සහ විජයගේ ආධාරකරුවන් විශාල පිරිසක් ඊට එක්වීමට නියමිත බව සඳහන් වේ.
තම “Tamilaga Vettri Kazhagam (TVK)” පක්ෂය සමඟ මෙවර තමිල්නාඩු ප්රාන්ත මැතිවරණයට පිවිසි විජය, විශාල ජනප්රියත්වයක් සමඟ දේශපාලන වේදිකාවේ දැවැන්ත පෙරළියක් සිදු කිරීමට සමත් වී තිබේ. මැතිවරණ ප්රතිඵල අනුව ඔහුගේ පක්ෂය ප්රධාන බලවේගයක් බවට පත්වූ අතර, සන්ධාන සහයද සමඟ ආණ්ඩුව පිහිටුවීමට අවශ්ය බහුතරය ලබාගෙන ඇත.
ඒ අනුව, තමිල්නාඩු ආණ්ඩුකාරවරයා විසින් විජය නව මහ ඇමැතිවරයා ලෙස නිල වශයෙන් පත් කර ඇති බව වාර්තා වේ.
විශේෂත්වය වන්නේ, දශක ගණනාවක් තිස්සේ තමිල්නාඩු දේශපාලනය ආධිපත්යය දැරූ DMK සහ AIADMK පක්ෂවලින් පිටත නායකයෙකු මහ ඇමැති ධුරයට පත්වීම මෙරට දේශපාලන ඉතිහාසයේ විශේෂ අවස්ථාවක් ලෙස සැලකීමයි.
සිනමා තරුවක සිට ප්රාන්ත නායකයෙකු දක්වා විජයගේ ගමන මේ වනවිට දකුණු ඉන්දීය දේශපාලනයේ වැඩි අවධානයක් දිනාගෙන ඇති අතර, ඔහුගේ පාලනය යටතේ තමිල්නාඩුවේ අනාගත දේශපාලන දිශානතිය කෙසේ වෙනස් වේදැයි බොහෝ දෙනාගේ අවධානය යොමුව තිබේ.
www.slmediahub.com
#vijaythalapathy
#vijayfans
#tamilfilmsfabs
#ChiefMinisterOfTamilnadu
#slmediahub
