ලොව පළමු ට්රිලියනපතියා ලෙස ඉලොන් මස්ක් වාර්තා පොත් අතරට..
ලෝකයේ පළමු ට්රිලියනපතියා (Trillionaire) බවට පත්වූ පුද්ගලයා ලෙස තාක්ෂණික ව්යවසායකයකු වන Elon Musk වාර්තා පොත් අතරට එක්ව ඇති බව ජාත්යන්තර මාධ්ය වාර්තා කරයි.
ජාත්යන්තර පුවත් සේවයක් වන Reuters වාර්තා කළේ, මස්ක්ගේ ශුද්ධ වත්කම ඇමෙරිකානු ඩොලර් ට්රිලියන 1 ඉක්මවා යාමට ප්රධාන හේතුව වී ඇත්තේ ඔහු විසින් ආරම්භ කරන ලද spacex.com සමාගමේ මෑතකදී සිදුකළ දැවැන්ත කොටස් නිකුතුව බවයි.
වාර්තා අනුව, SpaceX සමාගම ඩොලර් බිලියන 75ක පමණ IPO (Initial Public Offering) නිකුතුවක් සිදුකර ඇති අතර, එහි ප්රතිඵලයක් ලෙස සමාගමේ සමස්ත වෙළෙඳපොළ වටිනාකම ඇමෙරිකානු ඩොලර් ට්රිලියන 1.77ක් දක්වා ඉහළ ගොස් තිබේ. මෙම වටිනාකම, ඉතිහාසයේ විශාලතම සමාගම් වටිනාකම් අතරින් එකක් ලෙස සැලකේ.
මස්ක්ගේ වත්කම්වල විශාල කොටසක් SpaceX සමාගමට අයත් කොටස්වලින් සමන්විත වන අතර, නැවත භාවිත කළ හැකි රොකට් තාක්ෂණය, Starlink චන්ද්රිකා ජාලය සහ අනාගත අභ්යවකාශ ව්යාපෘති සමාගමේ වටිනාකම ඉහළ නැංවීමට බලපා ඇති බව විශ්ලේෂකයෝ පෙන්වා දෙති.
මස්ක් මේ වන විට විදුලි වාහන නිෂ්පාදනයේ ප්රමුඛ සමාගමක් වන tesla.com අභ්යවකාශ තාක්ෂණ ක්ෂේත්රයේ SpaceX, කෘතිම බුද්ධි ක්ෂේත්රයේ x.ai ඇතුළු ව්යාපාර රැසක් සමඟ සම්බන්ධ වී සිටියි.
කෙසේ වෙතත්, මෙම සිදුවීම ලෝක ආර්ථික ඉතිහාසයේ සුවිශේෂී සන්ධිස්ථානයක් ලෙස සැලකෙන අතර, තාක්ෂණික නවෝත්පාදන හරහා අතිවිශාල ධනයක් නිර්මාණය කළ හැකි බවට උදාහරණයක් ලෙසද ඇතැමුන් පෙන්වා දෙති. අනෙක් අතට, මෙවැනි දැවැන්ත පෞද්ගලික වත්කම් ලෝකයේ ධන අසමානතාව පිළිබඳ නැවතත් සංවාදයක් ඇතිකරනු ඇති බව ආර්ථික විශ්ලේෂකයන්ගේ මතය වී තිබේ.
Reuters වාර්තා අනුව, මෙම වර්ධනයත් සමඟ ඉලොන් මස්ක් ලොව පළමු ට්රිලියනපතියා ලෙස ඉතිහාසගත වී තිබේ.
www.slmediahub.com
#trillionaire
#elonmask
#elonmusknews
#elonmusktrillion
#slmediahub
